zac efron+ vanessa hudgens

ya litni fi blasithom, m7lhom fil film w m7lahom fi realité

نزار قباني أم أبو القاسم الشابي؟

قصائد نزار قباني الرومنسية أم أشعار أبو القاسم الشابي التي تقوي القلوب؟ أيهماالأحسن؟
متى ستعرف كم أهواك: نزار قباني
متى ستعرف كم أهواك يا رجلا
أبيع من أجله الدنيا و ما فيها
يا من تحديت في حبي له مدنا بحالها
و سأمضي في تحديها
لو تطلب البحر في عينيك أسكبه
أو تطلب الشمس في كفيك أرميها
أنا أحبك فوق الغيم أكتبها
و للعصافير و الأشجار أحكيها
أنا أحبك فوق الماء أنقشها
و للعناقيد و الأقداح أسقيها
أنا أحبك حاول أن تساعدني
فإن من بدأ المأساة ينهيها
و إن من فتح الأبواب يغلقها
و إن من أشعل النيران يطفيها
يا من يدخن في صمت و يتركني
في البحر أرفع مرساتي و ألقيها
ألا تراني ببحر الحب غارقة
و الموج يمضغ آمالي و يرميها
إنزل عن الأهداب يا رجلا
مازال يقتل أحلامي و يحييها
كفاك تلعب دور العاشقين معي
و تنتقي كلمات لست تعنيها
كم اخترعت مكاتيباسترسلها
و أسعدتني ورود سوف تهديها
و كم ذهبت لوعد لا وجود له
و كم حلمت بأثواب سأشتريها
و كم تمنيت لو للرقص تطلبني
و حيرتني ذراعي أين ألقيها
ارجع إليفإن الأرض واقفة
كأنما الأرض فرت من ثوانيها
ارجع...فبعدك لا عقد اعلقه
و لا لمست عطوري في أوانيها
لمن جمالي؟ لمن شال الحرير؟ لمن؟
ضفائري منذ أعوام أربيها؟
ارجع كما أنت...صحو كنت أم مطر
فما حياتي أنا إن لم تكن فيها

إرادة الحياة: أبو القاسم الشابي
إذا الشعب يوما أراد الحياة فلا بد أن يستجيب القدر
ولا بد للليل أن ينجلي و لا بد للقيد أن ينكسر
و من لم يعانقه شوق الحياة تبخر في جوها و اندثر
فويل لمن لم تشقه الحياة من صقعة العدم المنتصر
كذلك قالت لي الكائنات و حدثني روحها المستتر
و دمدمت الريح بين الفجاج و فوق الجبال و تحت الشجر
و إذا ما طمحت إلى غاية ركبت المنى و نسيت الحذر
و لم أتجنب وعور الشعاب و لا كبة اللهب المستعر
و من لا يحب صعود الجبال يعش أبد الدهر بين الحفر
فعجت بقلبي دماء الشباب و ضجت بصدري رياح أخر
و أطرقت أصغي لقصف الرعود و عزف الرياح و وقع المطر
و قالت لي الأرض لما سألت:أيا أم هل تكرهين البشر؟
أبارك في الناس أهل الطموح و من يستلذ ركوب الخطر و ألعن من لا يماشي الزمان و يقنع بالعيش عيش الحجر
هو الكون حي يحب الحياة و يحتقر الميت مهما كبر
فلا الأفق يحضن ميت الطيورو لا النحل يلثم ميت الزهر
و لولا أمومة قلبي الرؤوم لما ضمت الميت تلك الحفر
فويل لمن لم تشقه الحياة من لعنة العدم المنتصر
و في ليلة من ليالي الخريف مثقلة بالأسى و الضجر
سكرت بها من ضياء النجوم و غنيت للحزن حتى سكر
سألت الدجى: هل تعيد الحياة لما أذبلته ربيع العمر؟
فلم تتكلم شفاه الضلام و لم تترنم عذارى السحر
و قال لي الغاب في رقة محببة مثل خفق الوتر:يجيئ الشتاء شتاء الضباب شتاء الثلوج شتاء المطر
فينطفئ السحر سحر الغصون و سحر الزهور و سحر الثمر
و سحر السماء الشجي الوديع و سحر المروج الشهي العطر
و تهوي الغصون و أوراقها و أزهار عهد حبيب نضر
و تلهو بها الريح في كل واد و يدفنها السيل أنى عبر
و يفنى الجميع كحلم بديع تألق في مهجة و اندثر
و تبقى البذور التي حملت ذخيرة عمر جميل غبر
و ذكرى فصول و رؤيا حياة و أشباح دنبا تلاشت زمر
معانقة و هي تحت الضباب و تحت الثلوج و تحت المدر
لطيف الحياة الذي لا يمل و قلب الربيع الشذي الخضر
و حالمة بأغاني الطيور و عطر الزهور و طعم الثمر
و يمشي الزمان فتنمو صروف وتذوي صروف و تحيا أخر
و تصبح أحلامها يقضة موشحة بغموض السحر
تسائل: أين ضباب الصباح و سحر المساء و ضوء القمر؟
و أسراب ذاك الفراش الأنيق؟ و نحل يغني و غيم يمر؟
و أين الأشعة و الكائنات؟ و أين الحياة التي أنتظر؟
ظمئت إلى النور فوق الغصون ظمئت إلى الضل تحت الشجر
ضمئت إلى النبع بين المروج يغني و يرقص فوق الزهر
ضمئت إلى تغمات الطيور و همس النسيم و لحن المطر
ظمئت إلى الكون أين الوجود و أنى أرى العالم المنتظر؟
هو الكون خلف سبات الجمود و في أفق اليقضات الكبر
و ماهو إلا كخفق الجناح حتا نما شوقها و انتصر
فصدعت الأرض من فوقها و أبصرت الكون عذب الصور
و جاء الربيع بأنغامه و أحلامه و صباه العطر
و قبلها قبلا في الشفاه تعيد الشباب اللذي قد غبر
و قال لها: قد منحت الحياة و خلدت في نسلك المدخر
و باركك النور فاستقبلي شباب الحياة و خصب العمر
و منتعبد النور أحلامه يباركه النورأنى ظهر
إليك الفضاء إليك الضياء إليك الثرى الحالم المزدهر
إليك الجمال اللذي لا يبيد إليك الوجود الرحيب النضر
فميدي كما شئت فوق الحقول بحلو الثمار و غض الزهر
و ناجى النسيم و ناجى الغيوم و ناجى النجوم و ناجى القمر
و ناجى الحياة و أشواقها و فتنة هذا الوجود الأغر
و شف الدجى عن جمال عميق يشب الخيال و يذكي الفكر
و مد على الكون سحر غريب يصرفه ساحر مقتدر
و ضاءت شموع النجوم الوضاء وضاع البخور بخور الزهر
و رفرف روح غريب الجمال بأجنحة من ضياء القمر
و رن نشيد الحياة المقدس في هيكل حالم قد سحر
و أعلن فالكون أن الطموح لهيب الحياة و روح الظفر
إذا ما طمحت للحياة النفوس فلابد أن يستجيب القدر

هذيكة العادة يا سعادة

بعد الدورة و الشيخة إلي عملتها في عرس أختي. جا الوقت بش نكسر سقيا في الإستدعاء لولد خالي. أيا سيدك بن سيدك جاتني بنت خالي الستة و نص متع العشية" أمانعيش أختي ها معايا بش نستدعاو للخطبة. آش بش نمللها فرخة صغيرة و ما تعرفش البلاد. نولي كالناس الملاح نبدل حوايجي و ناخو الليستة متع العباد و بدينا ندوروو نهتريو
بنت خالي: تعرف أحنا نهار الخطبةعنا باااارشة خدمة، بش نقومو نخملو الدار و بد خالاتي بش يجيو يزينو الشوار مع أمي و أا بش نمشي مع بابا لبنزرت نشري الحوايجو بعد نوح ندوش و نلبس حواييو يجيو الرجال يهزو الدبش و بعدكي يتلمو الناء نمشيو لدار العروسة و نقعدو حتى نحنيولها و بعد نروحو نرقدو
أنا: (في قلبي كون سألك على نومرو كلاسطك نقصد صباطك) أنا الساع كانعشنا و حيانا ربي بش نبات فايقة كالعادة والصباح نقوم السبعة نقعد فالحانوت نخدم على روحي وبعد تجي القايلة نطلع بحذا صاحبتي هيام كان خلاوني مكانش ندوش و نعمل سويعتين نوم و بعد نرجع للحانوت حتى تتلم النساء تا نبدل حوايجي و نمشي معاكم ادار العروسة و نقعد إلي كتب و نروح تعرف إلي السهرات هاذي مش جوي نقعد قدام الأورديناتور و لا التلفزة و سهرة كالعادة للصباح
و بين الحديث التافه هاذا و صلنا للدار الأولى دقدقنا طلعلنا ولد المرا
أنا: أمك لهنا؟
الولد: أهأه، أمي خرجت هيا و خالتي
أنا: ميساليش، أحفظ في مخك و قوللها قالتلك خالت سوعاد أهوكا بش تتفضل بحذانا إنت و بناتك النهار الفلاني في الليل لسهرة ولدي. حفضت في مخكا؟
الولد: آي تو كي تجي مالعرس تانقوللها
أنا: صحيت عيش ولدي نحبك ديما حافظ درسك و رد بالك تنسى. أيا باي باي
و كملنا ثنيتنا للدار الثانية
بنت خالي: شنوابش تلبس إنت فالسهرة؟
أنا (والغزول ياكل فيا، عملتي و عملتها بيديا): و الله مزلت مانعرفش، ماو كالعدة يا سروال و مريول طويل و لا كالحوايج الفيوليه، و إنت شبش تعمل شعرك؟
بنت خالي: و الله مانيش ماشية للحجامة بش ندوش و نعمل شعري عكسة و بعد تو نشدو 'كو دو شوبال
كي ها قتلي بش نعملو عكسة طحت نضحك بيني و بين روحي و نقو في قلبي: يا ناري عليك يا بقرة، خوك واحد و بش يعرس مرة و حدة في عوض تفيشط بش تعمل عكسة؟ ماكنتش نتصورك متخلفة لها الدرجة
و هكاكة و صلنا لدار المطلوبة مالقيناش المرا في الدار و أحنا تعبنا باالمشي. غزرت للخردة إلي معايا و قلتلها: أحنا وصلنا وصلنا، برا نتعداو لهيام وفرد مرة نسلم على تاتا فتحية و عم نجيب و نرتاحو حذاها شوية. و ما كانتش مالعاكسين. مشينا قعدنا بحذاها ربيع ساعة بردنا فيها رياقنا واسترجعنا نفسنا و قمنابش نشوفو المرا و جارتها روحوش يا خي طلعت النتيجة ' نيقاتيف' ياخي هزينا رواحنا و مشنا لدار عمتي فاطمة. حكمت علينا ما نخرجو من دارها كان ما نشربو كويس عصير. ما كملت كالكويس كان ما طلعت روحي. الحاصل كملنا استدعينا الجماعة و رجعنا للنساء إلي ما لقيناهمش ف الدا ياخي لقينا حفلة البلدية متعنا، اليوم ولا عمرها نص قرن الحاسيلو قعدنا نتفرجو فالإستعراض إلي أغلب الحركات متاعو غالطة و بعد كملنا ثنيتنا لدار المرا هيا لقيناها ماجاتش أما لقينا جارتها إلي استدعيناها زادة و وصيناها بش تقول لجارتها كي تروح. و شدينا طريق الكياس بش نمشيو لدار خالي اسماعيل. برا سدي بن سيدك عرضتنا باتيسوري في الثنية، الطفلة تذكرت البيتزا و الباتيه و قتلك تو تشريلي بيتزا. يا ربي هالهم إلي هبط على راسي و كمل أحنا ما يخدموش البيتزا فالبلاد و البيتزاريا الوحيدة إلي تخدم باتيه خليناها ورانا، و ليت قلتلها أصبر نكملو دورتنا و بعد نرعو للباتيسوري خوذ حاجة حلوة ولا هاو الحوانيت برشا تنشريلك'جرفاه' و كان إنتي تحب عالباتيه أتا نعطيك الفلوس و أرجع وين الإستعراض خاطر البيتزارية فم، إشري و أرجع، ياخي ولات سكرت فمها و خذات واحد 'ليون" الحلوفة ما يعجبها كان الغالي، كتتني في 600 فالخطبة برك، ملا قداش بش تنحيلي فالإستدعاوات متع العرس؟ الحاسيلو روحت مكوخرة و الصباط كسرلي ساقية و عملت دوش قمقوم فالعرق و واحد آخر فالبانو و ما تتصوروش قداش شاهية تبحيرة: عادت حليمة إلي عادتها القديمة ولا كيما تقول العزوزة: هذيكة العادة يا سعادة

لله يا محسنين هزوني للبحر

إففففففف ملا فدة السخانة تقريب و صلت للأربعين و أنا في سروال 'نوار' و مريول 'دولتشي آند قبانا' متع خويا و نحب نبحر لكن أين السبيل إلى ذلك. الكرهبة باعوها و لتو لشراو وحدة أخرى. السي خويا الكبير مشا مع دالي و مروان من الصباح اغار ملح و خويا لاخر مشا مع هيثم لشط مامي. شكون منكم يلطف بحاليو يعطيني كرهبة نخطف روحي سويعة حتى لكاب زبيب. ما تتصوروش قداش شاهية عومة في شط مامي و عومة في الجوابي. بالله يا ناس أعطيوني حل و ما تقولوليش عبي البانو بالماء و الملح و أقعد فيه. و الله مسكينة المدونة الإلكترونية متاعي مليانة بالتفاهات. ربي معايا و صحا للي قاعدين عالرمل يعملو في برونزاج و أنا مزلت بيضاء كالعضمة و ثاني أكسيد الضبوط(راهي الكلمة مسروقة معن واح صاحبي) متع خويا يخنق. أيا 'تشاو

يوميات مليانة مساطة و كبي متع صيف2008

صيف السنة ماسط بصيفة غريبة و كيما يغني اش سماه ربي"حاجة غريبة" خواتي الولاد خارجين يتسوحو في مصر و أختي في فرانسا تقرا على روحها و تتلهى بولدها و راجلها و أكيد بروحها و أنا و خيتكم قاعدة هوني نحفظ في أفلام "الرواما" كيما تقول العزوزة(لأمريكان) على كل أنا لتو لبحرت و نخدم من غير ما يخلصوني و نحب نبدى الريجيم متاع الصيف ما نجمتش الله غالب ما عادش عندي وقت بش نعمل جريات الصباح و لا الوقت بش نوزن الخظرة و اللحم متاع الفطور و العشاء.الحاصل ميزيرية و كبي و حالة فقري قول مجاعة و عرك على طول اليوم كل يوم أنا و العزوزة. الحاسيلو يا من حيا الغدوة و فهالوقيت يا نكتب بعض التفاهات ولا يمكن يحتل خويا البلاصة و نقعد أنا تحت قوات لإستعمار لأخوية و يا من حيا لغدوة