تو الألعاب الأولمبية في البلد الأكثر "بوبيلاسيون" (كثافة سكانية) علاش منستضيفوهاش مرة في تونس و نبعدو ولو في أيامات معدودات على العالم الثالث. علاش ما يبداوش جماعة ال"جابون" (اليابان) قاعدين قدام الأورديناتورات متاعهم مخدمين لي كارت ساتيليت و يتفرجو في "ت أف 1" يشجعو في الرياضيين متاعهم و باكوات الليز (شيبس)ماسية جاية؟ شخص علينا لو كان نحيو المهرجانات اخرم إلي يدفعو فالملاين لمغنين معندهم حتى طرف موهبة و ينضمولنا حاجة تدخللنا الفلوس و تفيدنا إقتصاديا و تحسن صورتنا قدام الثالوث( الولايات المتحدة الأمريكية- الأتحاد الأوروبي- اليابان) و باقي العالم المتقدم. أما ميساليش نستناو خير ملي نتمناو.
1 commentaires:
جماعة الـ"جابون
----------
الله لا تربحك يا طفلة
هههههههههههههههههههههههههههه
منين تستورد فيها البلادة
مقال تحفون اما بالله "سهال" بسيط
في بالك تونس كيف تقترح باش تستضيف الالعاب الاولمبية باش يوافقو
تي بالحرام ما يشدو يترمونا ويتهمونا بالبلادة الموصوفة
الالعاب الاولمبية يلزمها قاعدة متاع منشئات رياضية كبيرة برشة باش تستوعب الكم الهايل متاع الالعاب الي باش تتلعب
ومنشئات سكنية قادرة على استيعاب المتفرجين الي باش يهدو علينا
و مخزون استراتيجي متاع رهج وماكلة
وكياسات ما تتسكرش على جرد ناس مروحة مالخدمة
الخ...
يعني المسالة تتعلق بمستوى البلاد في البنى التحتية بدرجة اولى
ربما كيف تكتمل المشاريع الخمسة هاذي
يعني
المدينة الرياضية
مدينة الورود
مدينة باب المتوسط
مطار النفيضة
جسر حلق الواد
وقتها نجمو نستدعيو الجماعة حذانا بكل ثقة في النفس
...
Enregistrer un commentaire